خاص بمسابقة الشعر العامي
خطوه بهمة جدع
…………………
خطوه بهمة جدع
…. مكتوب على جبينه
مصري ومهما اتوجع.
.. احلامه واخدينه
فارد ايديه للأمل.
. واخده في أحضانه
ميقولش ايه العمل.
. لو تنحني عيدانه
عارف طريق سكته.
. وبقوته يعافر
متغيبش مصريته.
.. لو حتى فين سافر
مصر اللي بيحبها..
. فوق راسها بتشيله
واللي يشيل منها.
… يبقى اكيد كافر
مصر البلد والولد
..والارض والساقيه
تسألها عن خيرها..
متقولش مش لاقيه
تعرفها من شمسها
..من ناسها من طينها
أولادها من أرضها.
. عاشقينها عايشينها
ساعة العصاري كده
.. يحلى الغزل فيها
والمغربيه اللي جايه.
. جايبه القمر ليها
ليلها السهر والغنا
..والمشي ع الكورنيش
نفتح بيبان حضننا
.. لعيونها بس نعيش
واللي يصيبها بألم.
.. ياخده الندم لما
نقطع عليه النور
.. ونسوق عليه عتمه
ونعيشه في مرار
… ونعلمه بذمه
ان البلدي وتد
… أولادها حامينها
ولا عمرهم خانوها
.. وبيؤمنو بدينها
واما الفساد شدها
.. فيوم ناحيته ثاروا
وقفوا على أرضها
.. وفي الميدان داروا
ومهمهمش الرصاص
.. ولا سمعهو انذاره
د المصري أجدع بطل.
. واللي اكتوى بناره
يعرف صحيح قوته
.. ويعلي مقداره
حقك يا مصر تعلقي
..الزينه والتعاليق
بكره هتجري وتسبقي
..والدنيا ليكي طريق
