خلاص بقى متبكيش.مسابقة شعر العامية بقلم / بداللطيف جمال محمد خواص من مصر

(خلاص بقى متبكيش)

خلاص بقى متبكيش..
لتشوفك الفرحه ومتجيش..
وتهجرك فى يومك..ومتودعكيش..
خلاص بقى اتحكى..
حتى لو دريتى على الفرحه دمعك..
وهجرك..
يبقى عادى عندك..
مفيه املك ..
يقويه قلبك..
وتقويه كمان .. نظره من عيونك ..
بيكى بالمحك..
وبستناكى.. زى ما اتفقنا..
كل يوم على قبر شهيدك
نقرئله الفاتحه..
ونتمشى انا وانتى .. قصاد نيلك..
وتوهتينا فى حواديتك..
ومش بخبص..
تعالى اعزمك على حمص..
بمشى معاكى مشيه المخطوبين..
عاشقين..
وتحطى اديكى على صدرى ..
واحس براسك .. بتنام على كتفى..
وبحس ان فى جسمك..
نسمه برد..
وبشوفك وانتى واقفه سد..
نكمل طريقنا تحت عمود النور..
جمب كرنيشك..
فى ساعه الفجر..
يله بينا بقى نصلى..
واستنى..انا معاكى..
عاشق لأيمانك..
وبلعب بحجاره كأنها سلاحك..
وبدافع عنك لو اقطع من نفسى..
مش عارف ليه بيضربونى..
قمت محتار .. وجسمى
مليان بدمى..
وفجئه.! عنيه اسودت
مش شايف اى بشر ..
سامع بس صوت..
واحد تانى بيموت..
مش حاسس بعيونى..
كل اللى انا فكره ..
ناس شالونى … حدفونى..
وقعت على راسى ….دخت..
كأنى اتخدرت..
كنت من دقيقه شايف انوارك..
وناسك…
كتار على بعض ..وفى قلب بعض بيكلو..
دلوقتى انا احترت..
هوه انا لسه بدافع عنك..
ولا خلاص مت…