خليكى معايا..مسابقة شعر العامية بقلم / أحمد السيد من مصر

الاسم احمد السيد
من سيدى بشر /الاسكندريه /مصر
الفئه شعر العاميه

خليكى معايا
*********
خليكى معايا متبعديش
ولو دقيقه متنسنيش
ده انا كل دقه فى قلبى ياروحى ليكى
مشتاق انا لنظره من عنيكى
ولمسه من ايديكى
تناسينى كل اللى فات من عمرى وانا مش جنبك
قلبى من زمان محتاجلك
ومتنسنيش
وعن عيونى متبعديش
ياللى القلب حبك
ولا حب فى الدنيا دى قدك
ده انا لو اقول بحبك
دى كلمه شويه عليكى
ده احنا يا عمرى انكتبنا لبعضنا
ولا تقدر اى قوه تفرق حبنا
حبنا اللى ابتدى من زمان
من ساعه ما عنيا جت فى عنيكى
ويوم ما ايديا حضنت ايديكى
وقلبى طار من فرحته
وقال هى دى اللى هعيش معاها
ومهما تتغير الدنيا مش هلاقى
غير فى حبها حياه
خليكى معايا