للاشتراك فى المسابقة الاسم : مصطفى التمساح السن 31 البلد : مصر .......... خندق ملامحك ع الخدود... شمر عيونك للبعيد مد ايدك وألقف الفجر الغريب إدعك فانوسه عشان يفوق أفرك منامك م الصدا اللى ابتدا بالغش كان معتوه شيطان إركب لسان الكلمه للسدره اللى فوق طعم الشروق زى ريحة البرتقان على غصن دبلان م العطش إفرش حروفك ضى ع السكه اللى ناسيها النهار قلبك مدار جواه دوار مولوى وتنهدات الاوليا على وش مركون للأسى إنت الأخير من جنس طين الأبلسه وانت اللى ف إيديك العصا وخضار عيون الانبيا انت اللى ضل وانت اللى حل المسأله وانت أساس المشكله فاعلن خلاصك ف الجموع واحذر دموع العتمه تمسح كل تعابير مهجتك سرسوب ضياك اللى اختفى لساه بيرمح ف الوجود علشان يلاقى مطرح طلوعه الأولانى كان منين...؟؟
