دا لو أموت أرحم
شعر عامي بقلم / سامح محمد أبوضيف صديق
مصر – سوهاج – مديرية الصحة – ادارة التدريب والمدارس
01112551802
=======
ويحدفنا حزن الزمن
يرمينا وسط طريق
أشواك ومر وشجن
ومفيش معانا صديق
ووسط البحور والسفن
بعوم وببقي غريق
يا حزن ليه مختارني
وحدي من المخاليق
——–
بصرخ وصوتي إتنبح
يا ناس حقيقي تعبت
وإمتى ألاقي الفرح
وأقول أخيراً طبت
ويكون نباتي طرح
وأقول يا حزني غبت
دا نصيبي مرة سرح
وفي دقيقة منه هربت
——–
يا خلق أنا عارف
إني هعيش مهموم
وعشت مش شايف
غير في حياتي سموم
وفرحي دا زايف
لو جالي مرة فـ يوم
وعشان كدا خايف
وفـ بحر هم بعوم
——–
يا دنيا بقي كفايا
كل اللي عدا وراح
حياتي دي مرايا
لكل ألم وجراح
دا طيوري فـ سمايا
عايشة كما السواح
تقوللي تعبت ويايا
إدبحني بقي وإرتاح
——–
يا دنيا خايف تكوني
كل حياتك غم
هتبقي منك عيوني
تبكي مرارك دم
مش قادر أفتح عيوني
من كتر تقل الهم
يا همومي بقي موتوني
دا لو أموت أرحم
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
