شبح الضلال
فى كل حته فى الوجود
رافض يعود
حالف لا يرفع ف السما
راية اليهود
فرق ما بينا بالفتن
زرع الحدود
وبطايراته ودباباته
وسطوته
خافت أسود
نسيوا أوام
زمن الكرام
خالد وطارق وصلاح الدين
وبيبرس والجنود
نسيوا أوام
درس الصمود
عبدوا ف أصنام الهوى
وإللى نوى يهدى
تطرف وإلتوى
صابه الجحود
درس العروبه
إللى إندثر
ماله أثر
فاتت عهود
ودع مدايننا الحزينه
من زمان
ضاع الإيمان
نسرح كمان
وقت السجود
تفكيرنا كله ف النسا
ومفلسه حتى عقولنا
مليون سؤال
ومفيش ردود
درس العروبه
وإللى فاكرينه طشاش
بيقولوا
كان بينا وعاش
حتى جدودنا أكدوا
إنه كان موجود
شبح الضلال
بقى حاله حال
فارد ف عضلاته
الكبيره
من غير قيود
أنشأ ما بينا ألف سد
مش لاقى حد يوقفه
مش لاقى غير
خسه وبروووود
كلمات \ احمد شاهين
29 \ 6 \ 2016
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
