((دعوة فرح))
بعتتلى دعوة فرحها ,, قرتها وقلبى مـــــات
وقريت فى الدعوه جوه ..الفرح يوم التــلات
واخر سطر فيها ..بحضوركم تزداد المسرات
ولقيت اسمه جنب اسمـــــــــها
وهيصه واغانى وحنه عنده وعنـــــدها
و الزفه قرب وقتها .. ياريتنى اموت قبلها
روح يا قمارنا وقولها
انا لسه صاين عهدها والدبله فيها اسمـــــــها
روح يا قمرنا قولها
ليا امانه عندها روحى وحياتى ودمى كله فى دمها
شوف يا قمرنا ودلها
على صدرى راسم وشها وخيالها انا وضلــــــــها
روح يا قمرنا وقولها .. بحبها .. بحبـــــــــــــــها
رميت الدعوه من ايدى ووشى كان موهوم
ونبض قلبى زايد وصدرى كان مكتـــــــــوم
دنيا بتعلى فى الظالم وبتدبح المظلـــــوم
وبدل ماكون العريس بقيت انا معـــــــــزوم
رحت فرحها ومشيت حواليــــــــــــــــــــــــــــها
وقعدت قدمها وعينى فى عنيـــــــــــــــــــــــها
وعريسها بيضحكلها وايده فى اديــــــــــــــــــها
وروحى بتطلع والقلب بيتقطع وغيامه على عينى
وقاموا رقصوا سوا وشغلوا ضمينــــــــــــــــــــى
ماقدرتش استحمل .. سبت الفرح وقــومــــــــــــــــت
وعيونى قالولى بكره هتندم عليك زى مانت عليها هونـــــــــت
عمرى ما عرفت غيرها دى صورتها قدامى بشوفها فى اى بنت
ويشهد عليا الله لاعمرى لعبت بيها ولا عمرى مره خنــــــــــت
وانا فى الطريق لبيتى شوفت واحده ويا خطيبــــــها
فكرونى بايامى معاها كنت بمشى وايدى فى ايدها
كلمته ونصحته اوى تزعلها او تنام وانت جارحها
لتلاقى تانى يوم سيباك وبعتالك دعوه فرحــــــــــها
ماتستغربوش من كلامى عارفين حبيبتى مين؟!
اللى انتوا خارجين من فرحـــــــــــــــــــــــها
عارفين حبيبتى مين؟!
اللى انتوا خارجين من فرحـــــــــــــــــــــها!!!
