رافض جميع الناس.مسابقة الشعر العامى بقلم / رمضان سالم العلالقة .مصر

عامية لمسابقة مهرجان
همسة الدولي للأدب و الفنون
الاسم / رمضان سالم ( رمضان العلالقة )
جمهورية مصر العربية ~ الفيوم
تليفون : 01028365092
~~~~~~~~~~~~~~
رافض جميع الناس
~~~~~~~~
إنسى الجراح و الألم
و احلم بعهد جديد
دا القلب لما اشتكى
مكنش قلب حديد
رافض رحيل أبتدى
يصرخ في جوف القول
ينكر فصول السنة
م الهجر و التنهيد
يدبح خريف الشجر
و الصيف بيسلخ جلد
رافض فصول إنما
تشبه طحونة الريح
و في ضي فصل ربيع
تتبرجل الأحوال
عشان يروق البال
برفض كمان مواضيع
رافض و مش وشوشة
ناكر جميع الناس
ماتت فروض الخشى
في الأرض حلم إنداس
هتقول برئ حساس ؟
برضه الكلام مرفوض
مش هقبل الترحال
و اعيش في حالة فقد
طريد ما بين وديان
برفض كمان أعذار
أشباح في هيئة بشر
تلعب بطوق النار
و الرقص ع التوابيت
تخرج عن المألوف
تبدر بذور الخوف
و اللعب بالأديان
و بشرط للأحلام
أخدك معايا بعيد
على شط حلم جميل
ننقش رمال حلمنا
و نغني ع التراتيل
و الشمس خلف اتلال
تعزف في لحن أصيل
حلم بسلاسل نور
مرسى لبكرة يشيل
نغسل بقى الأحزان
نبدأ قصيدة عشق
إحساس يهز القلب
أذن في صدر الخوف
تسمع صهيل ضحتك
ترفض كلام منبوذ
مسيس بكلمة شوق
همسى و لون بسمتك
بستان زهور و شموع
مش عايز أكون إنسان
ترنيمة بعزف إبليس
تكسر صفى البراويز
أركب بساط الريح
و اصرخ في وش المدى
تطرح حيضان الأمل
و الصوات يغني الشوق
يهزم جدار الصمت
رافض أعيش ع الأرض
قلبي في جسم انتحر
بين الجحيم و التلج
و في روحي طبع ملاك
من يوم ما حلمي إنكسر
في الغربة كنت وحيد
مزروع على الإلحاح
حلمي هناك و أكيد
ما عدش فيه اصحاب
و لا عاد تفيد أخوات
في الأرض كر و فر
زهقت كلمة فرد
و الرفض هو الحل
شيء يجـن يخـل
الحب شخص غريب
لابس وشاح الصبر
في دنيا فيها الغدر
ما حـد حـس بذنب
عايز تكون لي حبيب ؟
اصعد معايا لفوق
أبعد من المسافات
هناك مفيش مخاليق
الحب مش مدفون
و الدود بينخر قلب
عايز تقول حساس ؟؟؟
من غير م أقول أسباب
رافض عشان إخلاص
~~~~~~~~~~~
بقلم / رمضان العلالقة