هتصدقي لو قلت انى نفسي أشوفك هتصدقي لو قلت حبيتك من حروفك وأتمنى لو كنت سيفك بين حروبك عشان اكون جنبك ف خوفك ونفسي اكون لك ظل صيفك نفسي في الشتا أبقي صوفك نفسي حبي يملا جوفك اوى تعتبرينى معجب بين ألوفك حققي حلمى واتحدى ظروفك نفسي ف الأحلام أزورك نفسي لو احترت أشورك نفسي ما أغرقش ف غرورك وأبقي أنا قبطان بحورك وانى أكون قانون مرورك و ف حياتى ليكى دورك ورخصتك هى شعورك نفسي أبقي موج ضميرك نفسي أكون سكون ف ليلك نفسي تندهيلي أجيلك وفي عيونى دى أشيلك نفسي أشوف لو حتى طيفك نفسي أشوفك ( أحمد عزت )
