رايحين علي فين .مسابقة القصيدة العامية بقلم/ فراج كعبورة محمد من مصر

الاسم فراج كعبوره محمد خشبه محافظة المنيا
قصيدة عامية غنائيه بأسم رايحين علي فين
ماشيين في ضلمه ودوامه
وتاهت بينا العوامه
وبنشكي حالنا لعلامه اترينا تايهين
……………
بنلف ونرجع في مكانا
ولا حدش حاسس بألامنا
والكل ظلمنا وخدعنا
رايحين جايين
…………………
اغراب في بلدنا ووطنا
والدنيا بتشهد ف اوجعنا
وبنصرخ ولا حد سامعنا
وهانشكي لمين
………………….
الدم خلاص اصبح ميهوماتت فينا الحنيه
والقتل الاف وبالميه رايحين علي فين …………..
بنصلي ونرفع ايادينا
والدم بيروي ف اراضينا
يارب ارحمنا واهدينا
امين امين