رسالة إلي الجنة .مسابقة الشعر العامى بقلم / محمد اسماعيل الباتع

محمد إسماعيل الباتع
الشهرة محمد اسماعيل
الحساب علي الفيس بأسم Mohammed Ismail
رقم الموبيل 01009225915

القصيدة بعنوان :رسالة إلي الجنة

الليل طويل والفـَجر رافض يستَجيب
وانا قلبي مركب ضل حلمُه بدون شِراع
حواديت بترسم فـ الضلوع شق الخطاوي
أيد الكلام متكتفة ..
أصل الغناوي مزيفة .. وبتنتهي بكلمة وداع

رغم المحاولة المُضنيه للرَاحة والنسيان
جوايا ركن بعيد بيحن للغايبين
شديت غطايا دموع وفرشتلي جروحي
طبطبت علي قلبي ..نزلت بني آدميين

الحضن مـ الضالين .. وأنا وحدي بـ احضنني
حضن البشر بـ يضيق وأنا حضني بـ يساعي
هسند همومي وحزني ع دراعي

فـ بمد إيدي لكل أوجاعي
بتردني مكسور وتقول “مفيش داعي ”
همسك في إيدك ليه والجرح جواهم
الورد علي كَفك نَبت عدَاوة وغْـل
قلبك حاضْنني وكل يوم ينزف
إزاي هلاقي الشُوك في الجَرح يطرَح ” فُـل ”

الجرح أصل القوُل ..
والذكريْ باب مـَقفوُل علي قْصـَة مـ اكتَمَلتشْ
كان مـُفترَض تتعـَاش ..
في جروُح تعبتْ سنين لاجْل إن هيً تلمْ
باللًه عليك يا ليـْل حـَاولْ مـ تفتَحَهاش

القلب في الإنعاش والروح بتتحول
الموت بيتجوٌل والحالة متطمنش
دا الحلم لو مسروق مـ الصعب يتأولْ
بـ استحلفك بالله يا ليلِ ما تطوًلش
أنا كل مـ انسي الوجع بتعيدة من الأول

النور بيتحوٌل ف عنيا عتمة ليل
في عيون بتتلون بالدمع فـ المناديل
والحزن لو غيبتي ..
فـ كتبتلك فـ عتاب مضمونة إن إنتي
“الأصل والمضمون ”
والحاضرة دايما بين رفات غايبيين

يا سـَايبـَه الذِكرَيـَات سـَكـَاكِـين
يا نـَبض حـَنين \ بيدبـَح قـَلب مـَات بـَعدْك
وَفيـْت وَعدِك \ ووَعدٍك غـَرَتُه الأيـَام
مِش الضَرب فـ رفـُات مـَيت دَه يبقي حـَرام !!

فـ بحارب الأيام \ وادعي يخيب ظني
أنا لسَه مستني ..
وصَبري ليكي إتجَن
عُمري حدود تلاتين بتمني أكبَر لك
أول مـ اشوف طَلتك بـ اصغر أوي في السن ..

الُروح لروح بتحن .. مهما السهام صابت
والضحكة لو غابت فـ مسيرها يوم هتعوود
هرويها شهد ورود وأكتب عتاب تاني
الحبر مجاني .. بس الكلام هيطوُول

هجمع بقايا القووُل واحرقها .. إلاكي
وارسل كلامي أخير ..
يا إما تحني لدموعي \ وشوقي المُر لهواكي
يا إما تفارقي أحلامي \ وتاخدي القلب وياكي