خاص بالمسابقة
قصيدة بالعامية بعنوان ” رعشة قوس”
الشاعرة / رشا الفوال
01095088455
__________________
سلامة قلبى م الربكة
وم السكة اللى ماتوصلّش
سلامة عينى م العتمة
وم الكلمة اللى ماتحصلش رعشة قوس
“كمان ” الدنيا بيعيط
عشان إيدك وبس تمُر ع الأوتار
نغم جبار فـ لمستها
وشوق صبار لجنة خُلد
عرفت السُهد إيه هوَ
وعشت الوجد من جوه
وطوفت الخوف
ماخوفتش ليه ؟
وتفرق إيه تراتيلك عن النزوات
وتفرق إيه دموع عينك عن اللذات
حاجات النفس مطلوقة تقولك ” هات ”
وعامل روحك إنت بعيد
ومش شايف
ومش سامع صدى صوتك
ولا عارف تراضِى فـ مين
أقولك مين بيستنىّ؟
ويتمنى بشوق مهووس
وعارف صوته بيشدك
ولا يهمك
” كمان ” الدنيا بيخبى فـ ضلعه القوس
ويوجعنى
ويمنعنى أدوق ريقك / عشان بلسم
ويمنعنى أفوت ريحك / عشان مُلهِم
ويحجب عنى تكشيرتك والحانها
ويحجب روحك الدايبة فـ حرمانها
ويوهب روحى للمقامات ” عجم ” و” مانيير ”
ويوهب أرضى سُكانها بكل ضمير
ولا يهمك / وعيش إنت
وسلم بس فى البدايات
ورتِل جنب قلبى آيات
وسيب الباقى فوق كتفى /أنا أدُه
هاسايس فـ الهوى وردُه
لحد مايضبط الحبكة
سلامة روحى لما تحِن
سلامة عقلى لمّا يجن
سلامة قلبى م الربكة
