الاسم/احمد البحيرى
العنوان/محافظة البحيره
الفئة/ شعر عامية
ت/01206874979
عنوان القصيده (رغم الأحزان )
……………(..النص..)
رغم الأحزان والحلم البايت ف ضلوعنا
بنبات ف هموم وبنسهر حارسين أوجعنا
إنسان مفروض كان قدامك
إنسان موجود شبهك جدا
بتعذب نفسك بالذكرى
بتحاول تكدب على نفسك
وبتمسك ريشه أحلامك
فبترسم روحك ف العتمه
ف بتطلع صورتك فى الضلمه
مش شايف غير روح جواك
بتحاول تهرب من إبره
وخيوط النور من إي بيبان راح تدخل لك
ف بتمسك ف خيوط أوهامك
وكأنك ماسك حبل نجاه
الوهم ساعات أصدق كدبه
ف حقيقة وهم اسمه الإنسان
بتدوَّر على أجمل كلمه
تشبيه للروح تلقاها حطام
متكسر على هيئة أجزاء
جمعتها الصدفه ف كام معنى
بتلملم خوفك قدامك فتشوف
الصالح لحياتك
فتلاقي دموع تجرى ف دمك
وتلاقي جراح تقسم قلبك
وتلاقى الدنيا بحلاوتها
حزن أنت نسيته بيسرح فيك
ف تزيد ف عذابنا وتهجرنا
من لحظة فرح قلوب عيشاه
الضلمه ساعات بتكون ملجأ لحياة
العاشق والولهان
وساعات بتكون قبر لواحد محروم
من ام وأب كمان
وساعات بتكون أجمل عزله
فى حياة الشاعر والرسام
وتعيش وكأنك مش عايش
ف الزمن الضايع من عمرك
ترتيب الحاضر والماضي
بيرجَّع ذكرى بتألمنا
وتعيش فى حياه مغصوب فيها
تكره وتحب
رغم الأحزان
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
