رقص الافاعى ,للشاعرة / إيمان مصطفى

لما نادوا على الرفاعى…
قالهم صفوا الصفوف
اللغه كانت ما بينهم…
بس دقات عالدفوف
والى نفسه يجى يسمع…
والى ما يسمع يشوف
فجأه افعى سوده ندهت…
من هنا أصل الكلام…
سمنا فيه الشفا
الزعاف دوا السقام
الحكايه مؤسفه…
والشطاره مش كلام
والحياه متكلفه…
محتاجين نقطة نظام
مين لمين هنا إصطفى…
واللى بادر بالسلام
حبناً بعد الجفـــــــــــا…
بينا هيعـــــــم الوئام
والرفاعى والافاعى
صبوا وملُلنا الكاسات
شربونا وعاشوا بينا…
فى الحياه سكر نبات
ايمان مصطفى