محمد رجب شلبى. .مصر ٠١١٤٨٠٧٤٩٧٦
🌳روايح🌳قصيدة عاميه🌳
فى ليله كان القمر مخنوق
شايل ذنوب ماليها فى العدد عد
والهوى من كتر الحكى معطوب
وماعاد باقى شئ باليد للمد
كل الخلايق مجمعين فى قبور
ناضرين ساعه للحساب والجد
بصت روايح والاذان منصوب
نادى المنادى والندا مسموع
صعبت عليا ظنونى
لقيت الندا ردد صداه
وكيف يُسمِع الندا من في القبور سُكناه
فاضت من عيونى دموع
وبسأل روايح …..
ليه الزمان إتغير ؟
وليه الميزان مقلوب ؟
دا القلب صار متحير
وحكم القدر مكتوب
راضين والرضا طافح
لا نافع رضا
ولا الرضا مقنوع
حكم علينا القدر؟
ولا من عمايلنا؟
يا نموت من الجوع!
يا الميدان يجمعنا!
ويا إما الجلد م السجان
يا اما صفاره تفرقنا وتجمعنا
لا عاد لا وزن ولا قافيه
ولامؤاخذه بلا قافيه
بيت القصيد خربان
والقصيده ويا روايح
راحت روايح وجايه فضايح
الدين صبح بالعافيه
والامام صفين
وحتى القبله مش عارفه
هى قبله ولا اتنين
الناس يمتها بتصلي
ولا من الإمام خايفه
وناس تايهه ومش فاهمه
وناس واقفه ومش ثابته
وناس ثابته ومش لاقيه
وناس تدى ومش طايله
وناس طايله ومش حامداه
وناس حامده وبتدعى
وناس خايفه تتكلم
وناس حتى من السكات خايفه
صاحب البيت يملك ولا بيحكم
وبين الرحى مطحون
يزرع ويبنى ولا بيسكن
وان طالب تلاقيه بين السجون مسجون
تهمونى يا روايح بحبك وانا من حبك برئ
عمرى اللى راح وياكى
كان شبابى كله طموح
حلمت بيكى معايا
والقلم ويايا
لكن الحلم كان متراقب
ومجروح
دخلوا على حتى ف الاحلام
تهمونى……
وتهمتى حُبك
تهمتى عِشقك
انا العاشق تراب أرضك
وزارع عالفؤاد وردك
وكاتب يجى مية قصيده ف حبك
تُهمتى عِشقك
وصبح عشقى ليكى حرام
علمونا نحب ف ترابك
وقالو الجنه تحت كعابك
خُـلخالك رن ف ودانى
شغل بالى عن الجنه
لا طلت أَمّلي عيوني
بخُـلخالك
ولا بالجنه أَتهنى
