روحلها
………
كلمات / علاء الشاعر
……
روحلها طيب خاطرها وقرب منها
قلبها ح يروق وترجع بشوقها وحبها
واخدها بذنب ناس خاينين وهيه ايه ذنبها
عشان تقسى عليها سنين وتكسر قلبها
ما تضيعش اللى صانك عشان ماضى انتهى
هيه لا تستغنى عنك ولا تستغنى عنها
*******
انسى الى فاتك م الهوى وارسم لقلبك مطرحه
وارجع لقلب اتحملك مستنى كلمة تفرحه
ارجع مستنى ايه وانت محتاج اليه
والا انت خلاص نويت تسيبها ليه وحدها
واخدها بذنب ناس خاينين وهيه ايه ذنبها
عشان تقسى عليها سنين وتكسر قلبها
ما تضيعش اللى صانك عشان ماضى انتهى
هيه لا تستغنى عنك ولا تستغنى عنها
*******
انت صحيح بتحبها وظلمتها ودى غلطتك
فين راح تلاقى زيها لو ضاع هواها ونسيتك
الحق لهواك مكان قبل فوات الاوان
وتعود تندم عليها وتقول ياريت صونتها
واخدها بذنب ناس خاينين وهيه ايه ذنبها
عشان تقسى عليها سنين وتكسر قلبها
ما تضيعش اللى صانك عشان ماضى انتهى
هيه لا تستغنى عنك ولا تستغنى عنها
**********
علاء عبد الحميد ابراهيم سالم الشاعر
القاهره .. مصر
