زهرة ووقعت مالهاش صوت. مسابقة الشعر العامى بقلم / محمد حسن عبد العليم من مصر

.. مسابقة مهرجان همسة 2017 .. شعر عامي
قصيدة .. زهرة ووقعت مالهاش صوت
بقلم محمد حسن عبد العليم
رحت أقطفها قلبي منعني
قلت أقرب شوكها بعدني
مالقيت غير مخاوفها في وشي
مالقيت غير بسمتها بتمشي
أستغربت وأتحيرت قلت أشمعني؟
شوكها جرحني نبضي وروحي قالوا وجعنا
إيدي أتمدت ليها بخير
قطعت إيدي بظن الغير
دمي إتبعتر كتب القصة
رسم القلب وفيه الزهرة
تجرح تدبح كل مشاعر
كل حنان جواه كان ثاير
قتلت فيا شعور إنسان
سجنت حسي بقت سجان
فترة وهبت ريح وشديدة
صرخت قالت هبقى وحيدة
قمت سائلها معنى ده إيه .؟
قالت هبقى بحبي وحيدة
بعد ما هدبل هيكون موت
لحظة بلحظة أستني موت
لما يجييني هتعرف إني
زهرة ووقعت مالهاش صوت ..
قصيدة بقلم محمد حسن عبد العليم القاهرة .. مصر شعر عامي
مسابقة مهرجان همس