الاسم : محمد طاهر عشعش
المسابقة : شعر عامية
التليفون : ٠١٠٩٣٨٩٧١١٥
وابور الجاز
———
يا وابور الجاز انا فاكرك
وحافظ كل الحانك
أنا من جيل لحق فنك
ونام علي حس أنغامك
تدفي الكل بحنانك
ونتجمع علي مدارك
في عز البرد نندهلك
ونترصص علي اركانك
ونغلي الشاي علي صوتك
ونتمتع بألوانك
ولو مره شرق نفسك
تلاقي الإبرة قدامك
نسلك كل احزانك
ونتبارك بانوارك
وقبل ماينتهي جازك
نعمر كل نقصانك
هيجي يوم تجمعنا
ونكتب ذكري علشانك
فقدنا اللمة من بعدك
فعد من تاني لمكانك
#محمد_طاهر
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
