زى النهاردة .مسابقة القصيدة العامية بقلم / نجلاء فتحى طاحون

**زي النهارده**
نجلاء فتحي طاحون
شعر_فئة_العاميه
مصر_القاهرة
زي النهارده من سنه
غاب عنا سابنا لوحدنا
من غير ماحتي يقولنا
أن الغياب مالوش رجوع

حزن وألم مليان سكات
ذكريات من عمر فات
وصور كتير و حكايات
دموع بتحضن ف الدموع

زي النهارده بختنا
نتوه في دنيا بتهدنا
وايه يكفي عمرنا
حتي الوجع كاسي الضلوع

يافرح مات جوانا راح
والجراح بتجيب جراح
والليل بيبكي للصباح
الشمس مش ناويه الرجوع

زي النهارده كان وداع
والحلم رايح للضياع
والاهه بتصرخ للسماع
والبكا رافض خضوع

لا القلب ينسي دا الغياب
ولا حول بي في العذاب
وانت هنا تحت التراب
ع القبر بنقد لك شموع

دا أمر ربي وحكمته
أغلي الحبايب سكته
طريق بعيد مالوش رجوع