زى كل البنات مسابقة الشعر العام بقلم / محمود كارم من مصر

الاسم : محمود كارم محمود
البلد : مصر
المحافظه : الجيزه
الايميل : [email protected]
رقم التليفون : 01066647330
المشاركه : شعر عامى
بعنوان : زى كل البنات

زَىّ كل البنات
نِفسِك فى طرحه و كوشه و شويه حاجات
نِفسِك يكون عندك ولاد
نِفسِك فى قلب يضُمّ قلبك بالساعات
نِفسِك تحبى بس يبقى فى الحلال

فى نفس الوقت سمعتى كلام
مابيبنيش لكن هَدَّام
مثلا امتى هتبقى مدام
مثلا انتى كبرتى اوام
واللّى قدك عنده عيال

الجواز يعنى اختيار
يعنى تفَاهُم مش هزار
مش يَلّا بقَىَ اىّ جوازه

كام بنت تعبت صَدّعت
مِن كُتر الضغط اتسَرّعِت
علشان كلام مالهوش عازه

قبلِت باللّى اوام جالها
دلوقتى بتبكى على حالها
والورده وِقعِت مِ الفازه

بالنسبه ليكى الدنيا خَنيقه
كُل يوم بتحسى بضيقه
بتدوَّرى على 1000 طريقه
تِعَدّى بيها اليوم اوام

و لو فِ خطوبه معزومه
الضحكه بكِدب مرسومه
و مِن جواكى مهمومه
معذوره مش محتاجه كلام

الجواز يعنى اختيار
يعنى تفَاهُم مش هزار
مش يَلّا بقى اى جوازه

كام بنت تعبت صَدّعت
مِن كُتر الضغط اتسَرّعِت
علشان كلام مالهوش عازه

قبلِت باللّى اوام جالها
دلوقتى بتبكى على حالها
والورده وِقعِت مِ الفازه