===========
سئمت انا من الدم
وبشاعة المنظر
ولا كان يخطر ببالى
ولا كنت اتصور
الدم يصبح رخيص
والصف يتقهكر
يا مصر ما تخافى
يا كنيسه مع ازهر
يا بلد احمد ومينا
دا انا الرهبان بالدير
والشيخ على المنبر
انا الوفى بحبك
ولا عمرى هتغير
ميغركيش كيدهم
وانا مش راح اتاثر
دانا اللى مش اخوان
وانا اللى مش عسكر
دانا اللى بحبك يابلدى
ما عمرى هتغير
رافض انا الانقسام
ورافض انا الاحزاب
وكل خاين عميل
ومضلل كمان كداب
يامصر يا امى
قومى حمعى الاحباب
حالف انا ما انتمى
لغيرك يا راعى العرب
ولو حتى شعرى وشعرى
يا مهد الحضارة شاب
ولمين انا انتمى
يا اسمى وطن مع نسب
ومهما مريتى بمحن
ما اللومك ولا بالعتب
ولا هاكتب فى شعرى كره
ولا اقفل لحبك باب
بحبك وحبك يا عاليه
بالقلب له اسباب
وازى انا ما اعشقك
واركع وابوس التراب
وارفع بايدى العلم
واصرخ واقول يارب
انصرها ووحد صفوفنا
واحميها وفك الكرب
وارحم شهيد بالدم
ضحى وملهوش ذنب
غير حبه ليها ولارضها
وطاعته كمان للرب
بقلم
=== الشاعر المصرى \ راسم محمد
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
