حبيبي حبه مش عادي قصيدة / محمد حسن عبد العليم

قلوب ياما قتلها غرام

مشيت وسألت فين الشهد

قالوالي في دنيا فيها غرام

فضلت ابحث عن الانثى

قابلت كتير نسيت نفسي

نسيت روحى وعدى سنين

نسيت وقسيت على نفسي

قابلت الأنثى الجاحدة

وجرحت إيدي بالواحده

وكنت بشوفها قبل الجرح

جميلة وطله كالورده

نسيت نفسي جرحني الحب

فحبيت حب نوع تاني

حبيب باقي على وجودي

حبيب حبه مش عادي

رحيم على قلبي وبيصبر

ويفتح ليا ميت معبر

ويضحك قلبي م الفرحة

وهو جنبي بيقدر

بحبك ياربنا العدل

بحبك ياربنا الرحمن

بحبك يا خالق قلبي