ط
مسابقات همسهمسابقة الشعر

سعدون ..خاص بمسابقة العامية للشاعرة / مريم النقادى من مصر

للأشتراك فى المسابقه ــ الشعر العامى

ـ تُقرأ بالهجه الصعيدى ـ

:: سعدون ::

سعدون ده واد عسّوله فى عمر ست سنين

دخل يادوب سنه أولى وغمازّته ع الخدين

ف يوم دخل الدار (لجانا )مجتمعـــــين

وصريخنا زى النار راح منا راجل زين

أبوه صابوه غدر (مجتــول ) برصاصتين

والشاب كان بدر (والخلج) فيه شاهدين

وأنا كيف الدهشانه وأخبُط ع الكفين

ودارنا سوق مليـانه وحواليا مسئولين

فى الدفتر سألونى مين اللى (جتله )مين

بكيت بدمع عيونى واعْرِف (الحج) منّين

عسكر ولا فلول ولا جماعه باسم الدين

كيف يكون (مجتول ) على يد مصريين ؟؟

(لجيت)سعدون عم يبكى أبويا راح فين

والكل واقف يشكى طاره ف (رجبه) مين

ضميت سعدون لحضنى وحويته بدمع العين

اسمع يا ولدى منى لساها باقيه سنين

صحيح الهم شيله واليُتم أكبر شين

لكن بلــــدك عيّله و إخواتك مظلومين

هتعصر قلبى الآه لو تكـره تحيا حزين

فوض أمــرك لله ده ارحم الراحمين

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى