=======================
أنا لسة فيا الرمق
ماسك على روحى
موجوع صحيح إنما
بتقًوى بجروحى
حبل الرجا لو قصر
ويا الصبر بيطول
والعود فى عُرف الأمل
لو يتعوج معدول
تتمرجح الموازين
تتعكًر النية
الصورة فى البرواز
على زى ما هىً
والقلب غير العين
عنده المدى أوسع
يقرا ما بين السطور
وللسكوت يسمع
والعبرة بالخواتيـــــم
مذكورة سُنة وفرض
والعبد مهمن على
فنهايته جوة الأرض
أنا فى النهاية مَثَل
صورة لناس تانين
مركون برًف الزمن
محسوب على العايشين
لكن عليًــــــا أعيش
وأكمل المشــــــــــــوار
وأميل لكن ما انحنى
ولا أعاند التيـــــــــــار
الرحلة قاسية صحيح
والمركبة مايلــــــــــــة
لكن مع المكتـــــــوب
لا عتاب ولا محايلـــة
زى الخُطا ما تكــــون
رافع رايات الرضا
قاصد بيبان رحمتـــه
فارد حبال الرجـــــــا
مستنى ساعة الموت
وف قلبى ليها براح
عشمان فى عفو كريم
وبرؤيته هرتــــــــــاح
