كشفت الإعلامية سهير شلبي عن سبب مقاطعة النجم عادل إمام للظهور في التليفزيون المصري لمدة 20 عاما!
قالت سهير شلبي: “عادل إمام دا حكاية لوحده، الزعيم، حبيب قلبي عدولة، حبيبنا كلنا، زعيم الفن، هو كان مقاطع التليفزيون 20 سنة، مش بسبب مسلسل (رأفت الهجان) كان في مذيعة زميلتنا من جيلي، عملت معه حوار ضايقته بالكلام”، حسب تصريحاتها لبرنامج “القاهرة اليوم” الذي يقدمه إدوارد ونانسي مجدي عبر شاشة “ألفا”.
وتابعت: هي ضايقته وقالت له كلام معجبوش، بدون ذكر أسماء، والحكاية دي معروفة في التليفزيون يعني، هي ضايقته في الحوار وهاجمته، وقالت له أسئلة، وأنا الميزة اللي كانت عندي، كنت بحب النجوم أنجمهم أكتر وارفع قدرهم أكتر، وابروز الحاجات الحلوة اللي فيهم، ومكونتش احب اسيء لهم أو أقول كلام يضايقهم، ليه أنا مش جايباهم اضايقهم؟ أنا جايباهم أقدمهم للناس اللي بتحبهم، دول ثروتنا والقوة الناعمة بتاعنا، بالعكس أحب اقدمهم حلو، ودا كان مبدئي.
وأوضح إدوارد أنها الإعلامية سلمى الشماع، ردت عليه سهير شلبي: “أكيد إنت عارف، عادل إمام اتضايق وقاطع التليفزيون المصري وقال: (محدش ييجي يسجل معايا ومحدش ييجي يكلمني ومش هسجل مع حد وخلاص مش هعمل لقاءات”.
وكانت سلمى الشماع استضافت عادل إمام في كواليس تصويره لفيلم “اللعب مع الكبار”، وأوصلت له آراء البعض في أحدث أعماله وقتها “النمر والأنثى” و”المولد”، مشيرة إلى انهما لم ينالا إعجاب الجمه
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
