سينا زهره البستان
قصاص بقول حكايات
عن ماضى عدا وفات
حدوته فيها بأحكى
عن ماضى وذكرايات
عن أرض كانت غايبه
والفرح فيها مات
والغاصب كان جبان
انسان ملوش أمان
مرحمش يوم دموعها
فى الغربه والحرمان
وبعزم ولادها بان
غلوتها فى الوجدان
وبقولنا الله وأكبر
سلاح فى كل مكان
بيحارب الطغيان
ويساند الفرسان
عبروا القناه وهانت
أروحهم لما كانت
سبيل لنصر الله
هزموا الطاغى الجبان
وادولوا درس كمان
فى القسوه والحرمان
وأهى رجعت سينا لينا
زهره البستان
اهى رجعت سينا لينا
زهره البستان
كلمات/ محمد ثروت عبد الحفيظ
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
