شحات ودى شغلتى ودى شغله عال العال اسرح بطو ل جمعتى احمع كتير م المال ——————— مالت فى يوم كفتى والبخت عندى مال فى بلدى دى مهنتى وكتير معايا عيال ——————- شفت المرار الوان فى العلم والتعليم زى كتير شبان تاهت مع المظاليم ——————– عايش مع الحرمان والفقر طعمة اليم· لا شفت مرة أمان ولا عدل فى التقسيم ————————- مشيت انا سواح والدنيا فيها براح عايش مع جراحى والصوت بقى نواح ——————– شحات ومتعلم فى حياتى بتألم عندى كتير شهادات مرمية يا معلم —————— خدنى ولد شحات احيانى بعد ممات سرحت انا وهو مشيت معاه فى سكات ————————- علمنى اكون شحات الوقت لسه ما فات انده وقول يا كريم بدون حاجة لشهادات ———————– لا مهنه ولا تعليم هتغير الاحوال مشيت معاه كام يوم الحال صبح غير حال ———————– ع الحال ده من كام سنه اليوم عندى فلوس لا شغله ولا مشغله ولا حتى ايد بنبوس ————————- الصبح انا شحات وف ليلى ابقى امير عايش انا فى سرايات ماتقولش ابن وزير ———————– اعلم ولادى ليه هو علامى فاد انا ليلى عايش بيه وفلوس ما ليها ميعاد ============= \\\عونى هشام\\\
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
