شفت امبارح
…
شفت امبارح لما قابلتك
كانت الدنيا بلون الورد
كانت النظرة ف عينك جنة
كانت اللمسة ف ايدك نسمة
كانت الهمسة ف ودنك ضحكة
كنت حبيبك وانت حبيبي
ليه تبعدنا بعد ماكنت
لحد امبارح نور القلب
وزهر وورد وفل ونرجس
…
شفت امبارح لما قابلتك
كان الشوق في عيوني بينطق
جوه القلب .. همس الحب
نظرة عينك كانت تهرب بيا لفوق
تاخد قلبي لدنيا جديدة
دنيا الحب مالوش اسوار
ولا اسرار .. دنيا بتاعتي
نعزف نرقص أحلي كلام
…
شفت امبارح لما قابلتك
ليه امبارح كنت حنين
كنت حبيبي وكنت حبيبك
كنت كأني وردة ف ايدك
ليه تبعدنا من غير ذنب
…
شفت امبارح لماقابلتك
كنت باشوف الدنيا خريف
شفت ربيع دايم ف عيونك
جيتي مليتي الدنيا عليا
زهور وزهور
ليه الشوك
بعد ماكان ريح احساسك
يملا الكون نسيم وعبير
فين ياسمينك .ياللي الجوري
غار من حسنك ..اسمك . رسمك
شفت امبارح
الأمير أباظة
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
