اسامه احمد
01128192570
شعر عاميه
بعنوان…
شكلك حبتها
سألني قلبي سؤال عجيب
ليه كل شخص اقرب منه
تبعدني عنه وتقول غريب
ليه في كل الاسامي
مش بلاقي اسم لحبيب
سرحت ف الكلام
واحترت من النصيب
ازاي ياقلبي اقدر انام
وسيبك وحدك كأيب
شكلك ياقلبي حبتها
وهتعيد وجعك من تاني
تكتم جواك خوفك عليها
من إن في يوم تضيع منك
الظروف دايما بتكون أقوى منك
كأنك خايف تقرب منها تخسرها
كأنك خايف هي تحبك تكسرها
الفرق بينكم شبه مستحيل
مفيش في إيدك غير قلبك
هيفيدك في ايه حبك
وانت عايش في زمن منحوس
كل حساباته هي الفلوس
هتحبك ليه. .لو ع الحب
هتسمع من غيرك احلى من كلامك
يمكن مش هتلاقي زي اهتمامك
بس اكيد هتلاقي اهتمام
هتلاقي اللي هي تحلم
ويحقق لها الاحلام
عارفه لو كان بإيدي
اتحدا العالم علشانك لو حتى هموت
أتحمل كل العواقب والضغوط
ياريت الحب كانت بالأيدي
مكنتش عيني تبص عليكي
من بعيد لبعيد
كنت اكسر اي سور لو كان حديد
مكنتش احس إني مكسور أو وحيد
حربك دلوقتي مش حرب حب
ولا إحساس جوه قلب
حربك علشان تكون معاها
لازم تقدر تعيشها ف نفس مستواها
مش مهم ازاي
مش مهم منين
مش مهم هتعمل ايه
ولا هتروح لفين
من الاخر كدا هما كلمتين
حفظتهم الناس صم
لا هيبوصه لأدب ولا اخلاق
ولا هتفرق معاهم بحب وبشتاق
يعني اكتر حاجه ليها أهتمام
هتجيب ايه معاك ومعاك كام
أما حبك
حبك دا علشان نشوفه في المسلسلات والافلام
قصه جميله نسمعها ف حكايات قبل المنام
يعني اللي جواك بالنسبالهم مجرد كلام
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
