وجع
(صرخة ألم)
ليه يا بلدى الدم فيكِ بحور
وليه الصبر فيكِ ضاقت بيه الصدور
(والأم صارت تبكى والأب صار مقهور )
عمرك ما كنتى كده
ولا كنت عليكِ أهون
ابنى وكلى فداءكى
والدم والروح تهون
أصلك يا مصر أنتى الباقية
وتكونى واحنا لا نكون
بس الحصل لولادك
ما يرضى بيه مسئول
والزاد وغطا
كلام غير مسؤل
يطلع من شخص مسئول
واحد يقول هو السبب
أصله كان مشغول
وواحد يقول موجود
وكأنه مش موجود
وواحد يقول لا
الجيش هو المسئول
وواحد يقول لا
الماضى هو المسئول
وتركوا أبنى بينزف
وكأنه دين ومدفوع
الله يسامحك يا بلدى
بأحبك بس موجوع
