خاص بالمسابقه
الاسم منى حسن عيسي
الاسكندرية
عامية
……….
صرخة شهيد
………..
من بعد م سمعت اللي ثار
من بعد م سمعت الغضب
من تحت كوم الأسئلة
قمت لسؤالكم يا عرب
هل يا ترى حررتم الوطن اللي سيبته
وألف دمعة بين عنيه زي اللهب ؟؟
لما العدا قتلوا في وريدي الأمنيات
قتلوا ف عنيا ألف خُد
رغم اني عمري ما قلت هات
ليه بس مسمعتش هتاف
ياخد لي حقي اللي اتنهب
ما سمعت غير منكم سكات
أيون سكااات
هو الزمن نساكم الدم اللي سال
واللا الوطن مبقاش يثور فيه الرجال
روح الشهيد من غير وطن
فوق السحاب متعلقه
وان يوم سكتم ع الهوان
راح تبقى زي المشنقة
راح تاخد التار منكم قبل العدا
وكفاية تمثيل بالبكا
على مين بتبكوا وتصرخوا
شوفوا الوطن
محتاج تكونوا يدّ واحدة
لجل منحرر بلاد
لجل ان نحمي الأمهات
ويّا البنات ويّا الولاد
مش عاوز اسمع يوم سكوت
يتعيشوا أسياد في الوطن
أو إننا أفضل نموت
………..
منى الفؤاد
