صعيدى بيحب على الفيس بوك .مسابقة السيناريو المسرحى .بقلم / عبد العظيم عبد المنعم عباس .مصر

رجل قاعد تحت شجره وفى ايده موبايل تاتش يقول بصوت واضح(يقراء ما يكتبه فى الموبايل)
ازيك يا حبيبتى وحشتينى قوى قى قوى حقيقى– انا كمان وحشتك هىهىهىهىهىهىىى–طبعا اكيد هتشوفى صورتى قريب –امتى ازاى يعنى طب انا هوصف نفسى بالظبط
انتى متابعه السينما المصريه–طب كويس–انا بقا شبه احمد عز–بتاع الحديد ايه بس لع لع–انا اقصد احمد عز التانى الواد الحليوه ده–ايوه الممثل صوح –انت شبهه؟
استنى بس –تعرفى هانى سلامه –بتاع النحاس ايه بس –هو انتى عايشه فى سوق الخرده ولا ايه–لع ده التانى ممثل برضك–انا بقا كوكتيل من هانى سلامه واحمد عز
انا عارف ان ده طويل وده قصير وده عينه خضرا والتانى عينه عسلى –بس استنى انا هفهمك–انا واخد احلى حاجه فى ده واحلى حاجه فى ده –فهمتى؟؟
انا هبعتلك صوره ليا–استنى بس–ايوه اهو–ايه رايك
مين الطفل ده !!دا انا وانا فى ابتدائى–بس ده طفل –ايوا ده من 20 سنه بقا–وه وه وه ليه بس اكده–هو انتى لما بعتى صورتك وانتى فى اللفه انا قولتلك حاجه–طيب الحمد لله
علشان لما تنزلى مصر واشوفك تعرفينى زين–المهم يا قلبى–بحبك–قلبى مولع نار–من ايه ازاى يعنى
يقول بلسانه (شكلها غبيه وهتتعبنى)–من حبك طبعا يا روحى
طب انتى لابسه ايه–انا بحب لون الكرنبى قوى
يقع قشر لب على راس الرجل–فيقول ايه ده هى دى شجره تفاح ولا شجره لب –يمكن تكون فى موسم التفاح بتطرح تفاح وبعد الموسم بتقلب لب–ممكن –بس ده لب مقشر يمكن الدوده كلته
(ثم ينظر الرجل الى فوق الشجره فيجد ابنه فوقها)—ويقوم الاب باخفاء الموبايل بسرعه وفى عينيه الخوف –انت ايه اللى مطلعك يا ولد فوق السدره–انزل لحسن توقع–تعالى يا حبيبى
(الابن ينظر الى الاب بلؤم )–الاب – مالك يا ولدى فى حاجه–بتبص لى كده ليه–وبعدين انت من ميتا وانت اهنه–الابن _ انا لسه جاى دلوقتى–الاب – كيف يعنى انا بقالى ساعه وانا تحت السدره
تكونش عديت فوق كتافى وطلعت على السدره وانا محستش بيك–الاب ( فى صوت منخفض) –انت سمعت حاده–الابن لا خالص–الاب (فى صوت عالى )–طب روح روح بسرعه اسبقنى على البيت
الابن – مالك مانت كنت حلو دلوقتى –انا ماشى يا عم –الاب – عم ايه يا قليل الادب غور من وشى–(يمشى الابن 3 خطوات وينظر الى ابيه قائل)–ابقا تعال اتغدا امى عامله كرنب انهارده
مش انت برضو بتحب الكرنب–الاب- طب غور من هنا–استنا يا واد انت –ايه حكايه انا بحب الكرنب دى–تعالى يا ولدى يا حبيبى–انت سمعت حاجه–الابن- هىهى هى هى ايوا كل حاجه
طب اسمع انت دلوقت بقيت راجل ماشاء الله عليك–الابن_ طب معلش بس حوش ايدك علشان الدنيا حر –الاب- هى هى هى هى– طب بص يا حبيبى المثل بيقول ان كبر ابنك خاويه
الابن – انجز–الاب- عسل والله عسل–الكلام اللى انت سمعته ده سر بينا احنا الاتنين–الابن- اممممم وبعدين+–يعنى امك متعرفش حاجه عن اللى حصل دى –الابن – انى مقدرش اخبى حاجه عن امى
الاب- طب بص خد اا10 جنيه وانسا اللى حصل–الابن- فلوس انى مش بتاع فلوس–الاب- طب عاوز ايه—الابن – انى مش هكتر عليك هما طلبين بس–الاول انك تركب واى فاى بدل الباقه ام 10 جنيه اللى انت عامله لى دى
الاب – طب ايه رايك اخليهالك ب 15 جنيه–الابن- شكلك مش عاوز تتفاهم السلام عليكم–الاب- اسنتى بس يا جدع متبقاش حمقى كده—موافق–الابن – طب كويس الطلب التانى –بقا اسمع يا حنفى يا اخويا
انى فى مرحله مراهقه زى ما انت عارف ويلزمنى وحده حلوه كده ادلع انا وهى –ملقيش عندك حاجه–الاب- وكمان عاوزنى ابقا قرنى– الابن – متكبرش الموضوع بس–انا عاوز اعرف صفحه البت اللى كنت بتكلمها دى
الاب- لع لع كله الا دى–الابن – طب سلام عليكم–الاب- خلاص خلاص موافق–الابن-هىهىههىهىهى هى اسمها ايه–الاب- اسمها زهره الوتس –الابن – طب حاطه صوره ايه–الاب- صوره حمام بيبوس بعض
الابن- يا سنه سوخهِ–الاب- مالك يا ولاه–الابن- تعرف مين صاحبه الصفحه دى–الاب- مين يعنى–الابن- امى—الاب- امك اصلا معندهاش فيس بوك يا كداب–الابن- هى طلبت منى اعمل صبحه لصفحه
اقصد صفحه لصبحه بنت خالى علشان تكلم خطيبها–الاب- هى امك اتخطبت–الابن- امى ايه بس دى صابحه هى اللى اتخطبت–الاب-طب بص شوفها كده هى دى الصفحه–الابن- ايوه هى
الاب- يا ليله ابوك سوده—-بس خلاص امشى وانا هحلها—الابن يمشى وهو يبكى ويتمتم
الرجل يمسك الموبايل–السلام عليكم ورحمه الله وبركاته–ازيك يا اختى—لعلك بخير–انت ايه اللى اخرك يا حبيبى—لع لع مفيش كنت بصلى العصر—ايوا طبعا بصلى–
بصراحه بعد ما سمعت الخطبه دلوقت انا حاسس انى اتغيرت قوى قوى–خطبه ايه–خطبه يوم الجمعه بس الشيخ عندينا بيخطب ف الضهر والعصر
المهم يا اختى بصراحه انا متجوز ومن هنا ورايح انا هراعى بيتى وبس–وانا ربنا كارمنى مراتى ست الكل ست مفيش زييها
واحب اعرفك ان دى اخر ِِ بينا وانتى اول واخر وحده هكلمها–سلام يا اختى–الرجل يضحك ويترك الموبايل بجواره–ثم تاتى رساله—ويقول قارئا–هىهىهىهىىهى طلب صداقه من زهره البنفسج
حتى لو كنتى زهره العلا مش هقبل الطلب—انا كرهت الزهور كلها ماله الجرجير ويطلع شويه جرجير من جيبه وياكلهم
النهايه
عبدالعظيم عبدالمنعم عباس
مصر – اسيوط
01276336537