ط
مسابقة الشعر العامى

صهوات الأصايل..مسابقة الشعر العامى بقلم / محمد الميالى من العراق

للمشاركة في المهرجان
الاسم : محمد الميالي
البلد : العراق
فئة المشاركة : الشعر العامي

قصيدة صهوات الأصايل

صهوات الاصايل

عزف گلبي ونشد كل المواويل
وغفت روحي اعلة صهوات الاصايل
بكفوف الشعر حلوة الاكاليل
وعلى شفافه اشكثر حلوة النوافل
مو لعبة الشعر بين المحاجيل
ولا لعبة جهل بيد اليساجل
ولا دمعة مرة بخد المناديل
الشعر عاشگ عشگ عزم المراجل
الشعر حكمة تغسل مخ المخابيل
ورسالة حب هوة جنح الزواجل
ولا حسبه شعر شعر الاباطيل
اليحط لحم الاخو بسن المناجل
يكفر بالقيم من يشتي قابيل
ودم هابيل تسجدله السنابل
غواص الولج بحر التفاعيل
بياقوت وللآليء من يفاعل
موش اعلة الجرف ينحت تماثيل
وروج الماي ياكل بالسواحل
الشاعر لو غضب سجيل ابابيل
ومن يفرح تحط يمه البلابل
يزيح الغيم من يكتب تآويل
ويطيح الطير من يگعد يغازل

الشاعر محمد الميالي
للاتصال : 009647711160141

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى