صورة ومشهد .. مسابقة الشعر العمودى بقلم /أحمد ربيع سليمان النخيلى من مصر

الاسم: أحمد ربيع سليمان النخيلى (( الشهير بحماده النخيلى
الدولة،مصر
المدينة:اسنا- الاقصر
قصيدة عامية بعنوان(( صورة ومشهد))
((صورة ومشهد ))
نفس الصورة ونفس المشهد
لسه المشهد ماتْغَيَّرْش
نفس الصورة ونفس المَطْلَب
لِسه يا صاحبى ليه ما حصلْش
عيش — حرية– عدالة إجتماعية
هِىَّ دى مُشكِلة يعنى عَفيَّه
صعبه نحققها لشعوبنا
بعدِ ما دابوا هُمَّا ودُبْنا
واتجمعنا فى شهر يناير
25 مِنو دا شاهد
هُوَّ عليكم هُوَّ عليَّ
وانا مِستنى اشوف بِعْنَيَّه
طعم العيش ويَّا الحُرية
وانعم زى العالم برضه
بعدالة تِبقى اجتماعية
((صورة ومشهد))
ورد جناين جوه المشهد هُمَّا راحوا
ورد جناين جوه الصورة
نزلوا وضَحْوا وسال الدم الزاكى وفاحوا
هُمَّا بروحهم ضحوا وراحوا
مش طالبين منصِبْ ولا جاه
دى مطالبهم ليك ولِيَّه
ولا بيخافوا غير الله
عيش — حرية — عدالة إجتماعية
دى مطالبهم آهِ و آهْ
إمتى اشوفها انا بعنيَّه
امتى اشوفها بقِت حقيقيه
(( مشهد تانى))
دخلِ الصورة جوه المشهد واحد تانى
رِكْبِ الموجه وسرق المشهد
كُل العالم شايف اللى بيجرى ويشْهَدْ
نادى جوه المشهد أنا ثورجى إخوانى
الإسلام منهجى وِشَرِعْتى
والإسلام رايتى وعِنْوانى
سرق الصورة وسرق المشهد
خَلاَّ بلدنا فى ظِلْهُ تْعانى
وجوه الصورة وجوة المشهد
كُلُه عَمَّا يقول آه يانى
((فى مشهد تانى))
دخلِ المشهد راكِب إسمِ الدين
عارف إن الشعب المصرى شعْب أمين
صَوَّر نفسه إنو بِذِمَّه
وِِلَبِّسْ كُل الشعب العِمَّه
وِ أَ كِلْ كل الشعب التين
لكن الشعب المصرى متين
عُمْرَكْ شُفتِ ف يوم وَلاَ مره
واحد غَلَبِ فى يوم الدِين
صورة ومشهد وكله ها يشهد
والدِين يشْهد دول ظالمين
فى 30 يونيو الصورة ها ترجع
توضح تانى وترجع مصر
فى مشهد تانى
عروسة جميلة
فى ثورة وتُخْرُجُ بالملايين
فى صورة ومشهد
ترجع تانى الصورة تِبين
……………………………………………………….
حماده النخيلى