قصيدة (أنا شاعر لكن إنسان) انا شاعر بثوب إنسان بكمل بكل خطوة طريق تلاقي روحي بتسافر وبتقابل في طريقها صديق يجوز اروح لمدن تانية وانا مكاني وارجع منها في ثانية انا برسم في المدن افراح واعدي بيها كل جراح انا شاعر لكن انسان ساعات بحذف الصورة عشان قديمة أو بهتانه أو عشان مفيش معايا ألوان وساعات تانية ببين الصورة وازود فيها شوية ألوان عشان ابين لحظات الندمان انا شاعر يجوز بحلم من زمان ويمكن عايش علي حلم الحقيقة فيبان لكن عمري ما هرجع أعيش في ظلمة الماضي هرتب كل أفكاري وهعمل منها سطرين أوريهم لكل الناس وهكتب كل تفاصيلي في كشكولي الأساس يجوز بعد الأوان ما فات ارجع ألقي الأمل ما مات أو الاقي الذكري رجعت ترجع ليا الإحساس والاقي النفس بقت راضية بين الناس والنعم رجعت تعطي وكله يجوز وأنا برضو هكون إنسان وهعيش واموت وانا الشاعر الإنسان
