محمد
السيد رمضان البدري السحراوي
دولتي ( مصر )
رقم هاتفي ( 01273833774 )
اولا : قصيده عاميه بعنوان
( ضوء يحميك من التكسير )
قبل الفراق كنا
انا و انتي متقابلين
بالصدفه عكس السير
حسيت بإني لابد هحكي لعينيكي الحب
اكمني كنت لوحدي واقف هناك شايفك
ساحراني بشفايفك و عينيكي و خدودك
صوتك كما الكروان حيران ليالي نهار
دايما بكون فاكره في خيالي و بقلبي
فاكر زمان انك غنيتي كام غنوه
للعندليب و الست فبكيتي من فرحتك
و ضحكتلك ضحكه مرسومه بدموعي
ف جريتي و لحضني فرحانه بوجودي
فاكرك مانيش ناسي احساسي بفراقك
لو كان بإيدي اني البس قناع مخرج
و اهمس ورا الكواليس انك تجيني اكيد
من قلبي راح اقولك عودي عشان خاطري
خليني يوم افرح اني اكون شايفك
و اهو فرصه للجمهور من تاني تتفرج
على مشهد الذكرى لما يكون مشهور
في عيون بشر قاعده على كرسي منبهرين
ف يدوقوا طعم الحب و بدمعتين العين
رغم انه كان مش حلم الا اني كنت سعيد
شفتك صحيح صدفه في حقيقه او خيال
كان قلبي م الفرحه طاير بدون جناحات
رغم اني كنت بقول هيبات سنين مجروح
من بعد لما بروح اكتب رسالتي و اقول
من يوم فراقك كنت مجروح و بتألم
انك فارقتيني و مقولتليش عايزاك
انك في يوم تبقى ويايا و نسافر
لهناك بعيد عن ارض بتودع الاحباب
ولا حتى جه في بالك انك تدقي الباب
و تقولي من قلبك ان احنا راح هنعيش
مع بعض نبقى بعيد و نطير لاعلى سحاب
و اهو للأسف كان حلم بتمنى يتحقق
انك في يوم تبقي قدامي وقت شروق
كاتبالي في رسالتك ليا يدوب كلمه
بما ان بدايتنا انا و انت متقابلين
كنا احنا قبل فراق بالصدفه عكس السير
امتى هشوفك فوق و العين قصاد العين
امتى هكونلك ضوء يحميك من التكسير
