~~~~~~~~
طب قولي مين
ينحت معابد في الحجر
عقل الفطين يعبد هبل ؟
و في صمت موت
تفرض سكوت
ع المشتاقين
و حياة إلهي ربنا
لو كنت مين
و إن كان هواك
مليون سنة
ابعد بلاش م المهزلة
أرفع أذاك عن سكتي
و محبتي مبقتش ليك
هسكن بلاد فيها المطر
و طيور تغني ع الشجر
حتى الحبيب
بصوت يأذن بالأمل
هناك قلوب المخلصين
ترقص على ضي القمر
بس القدر رسمك ضباب
و أشكال عذاب
متالونة بلون الأسى
قلبك نسى قلبي الأمين
لجل الأنين من ليل ضنى
فكرني بيك … بس إنما
و حياة إلهي اللي خلق
م ساوى بين اللي حرق
و المجروحين
ما عدت ليك
و لا عاد يكون بينا الهوى
قلبي أنكوى من نار أيديك
أبعد و لم المسألة
و أحلام سراب متهلهلة
أسحب جنودك يا برهة
الدنيا مش هيهدها
لا جنود شداد
ولا فيل قوي
دقت طبول المعركة
أشعل حروب
و المهلكة متهمنيش
بحمي حدودي بضحكتي
و في مهجتي الشوق خلاص
لو حتى بحبل المشنقة.
معاك ما اعيش
ارجع بلاد فيها الحبش
أحراش ما فيها غير عدم
بلاش وشوش متقلبة
أبعد خلاص ف أبعد مدى
هنسى الجراح و اللي خدش
~~~~~~~~~~~~~
بقلم / رمضان العلالقة
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
