طول عمرى يازمانى
بهرب من شكوايه
لو عندك جرح تانى
هاته بقى وكفايه
**************
لا خير فى الحبايب
ولا فى قلوب الناس
الحب اصبح غايب
والطيب بقى ينداس
الدنيا الحلوة خلاص
مات فيها الاخلاص
انا عايز عالم خاص
يشوفلى ايه الحكايه
*************
طول عمرى يازمانى
بهرب من شكوايه
*************
تعبت من دموعى
وعذاب قلبى الكبير
كل متقيد شموعى
يطفيها اللى بيغير
ويقول كلام جراح
فى الليل وف الصباح
يمكن كده بيرتاح
راح اسيبو لنهايه
************
طول عمرى يازمانى
بهرب من شكوايه
************
لو كان جوايه غباوه
كنت عاديت يازمان
والحلو ذيته حلاوه
مهما حصل وكان
لكن بعيش لغيرى
والدمع اصبح اسيرى
فرشه بشوك سريرى
والله فى عز صبايه
*************
طول عمرى يازمانى
بهرب من شكوايه
