ظلام ضيق الحال
ءءءءءءءء
في ظلام ضيق الحال
كل شئ عدي الخيال
شمس تصرخ ف الجبال
والاماني صبحت محال
ءءءءءءء
والوشوش صبحت رتوش
بسمة مخنوقة ف رموش
عدي يوم ونقول ح تفرج
وجرينا جري الوحوش
ءءءءءء
مخنوقين وايدنا فاضية
وشمس طلة من بعيد
الضحكة مابقتش راضية
ترجع تاني من جديد
ءءءءءء
كل يوم ندخل متاهة
ونبتدي يومنا الجديد
شقينا ف الارض وسماها
وبنحلم بيوم سعيد
ءءءءء
مشكورة يادنيا قاسية
الفقير طلب السماح
حسة بينا ولا ناسية
ان عمرنا عدي وراح
ءءءءء
وف ظلام ضيق الحال
قصة بتتكرر يوماتي
ونقول يادنيا هاتي
كل شئ حتي المحال
ءءءءءء
نفسنا نصرخ كتير
هو راح فين الضمير
ناس بتاكل الحمير
وناس عايشة عيشة امير
ءءءءءء
طلوا ع العالم بحالة
شوفوا اية اللي جرالة
الكبير بياكل الصغير
والتراب غطي عيالة
ءءءءء
ضيق الحال كسرت نفوس
مزلة عشان حبة فلوس
حطينا روسنا ف الادوس
يمكن تطلع يوم فلوس
ءءءءءذ
الحياة مش منتزة
خدوا منها موعظة
ربك هو المدرسة
والكفن مفيهوش محفظة
كلماتي
اشجان احمد عبد الرحمن
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
