عارف عارف لما تحس الكون ده فاضي وانك ماضي
واقف بره حدود الكون و تبكي
تشكي و تحكي
علي أيام الزمن الطيب
تلقى عيونك زي عيون الساقيه بتحكي آهات
تسرح جوه حيطام الغربه
و تصرخ
آآآآآآآآآآآآه يا بلادي
ما عدتي حبيبه
حتى الطيبه بقيت شئ خايب
و بيتعايب اللي يقولك :
خليك طيب !!!!
عارف ….
عارف لما تغني و بس
تعزف بس
تفضل تبكي
لحد ما دمع الشعر يلون كل حدودك بالأحزان
كااااااان يا ما كااااااااااااان
كان فيه شجره
و قلب
و توت
ناس بتحب
وناس بتود
وناس بترش الفرح وتضحك
ناس ملكوت
بقى شئ ماضي
لأ والعادي
إن الحب ف شرعك موت
آآآآآآآآه يا حبيبتي
يا ريتني ما شفتك
ولا يوم بوستك
ولا عششتي ف قلب وردي
ولا يوم قولت بحبك مووووووووت
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
