عاشق ولهان
بس العاشق فيك متهان
وانا حيران
اكمل مشوار العشق
ولا انوى الترحال
مقدرش انا فيك ابطل عشق
رغم ان العاشق مطلوم
والصوت فى حلقه متحاش
فى كل الصوره الناس بتبان
وهو مش باين حتى ع البرواز
العشق ف بلدنا مش مرغوب
واخد معنى متخلف .جهل
خليك سبور
وتشكل على كل الالوان
وساير كل نظام
مش كل نظام ف بنوده الحب
اوع تطن انك بالعشق تنال
يامه عاشقين
واللى قتلهم حب
خليك مخدوع
عشقك مش هيخطى عتب الباب
ولا يكتبوا اسمك ف كتاب
العشق اصبح قلب نظام
ونصيحه منى ياابن الناس
بطل تكتب ف قصايد العشق
قيس لما زود عشقه ف ليلى
اصبح موصوف انه المجنون
وقتله العشق
انى برىء منك من اليوم
لاانقل عنك قصائد عشق
لانى لاحتمل السكن خلف الاسوار
ومايصدر عن جهل
يقتلك قبل ظهور الاحكام
ويضيع الحق بين انك مظلوم
او ان الحكم فيك اعدام
فلا داعى للعشق
وان كنت مصرا
فعليك الكتمان
فليكن عشقك لا يعلمه الا انت
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
