ط
الشعر والأدب

عبدة الحاكم = بقلم عونى هشام

عونى2
========
مش كل حاكم
يجى يحكم اعبده
ولا كل قاضى
ينطق بحكم آآيده
——————–
احنا بشر
بلاش نطبل
وعلى كل كلمة نمجده
الفعل وحده
والعمل هو بس يخلده
———————–
يما آسينا وقلنا كان
ياما كان عبدة بشر
من زمان عند مينا
كان كله اصنام من حجر
—————————-
واحنا اتهرينا واتنسينا
وبقينا اصعب م الغجر
حتى الغجر ليهم قانون
ما حد منهم يوم ضجر
—————————
نفسى حاكم
اعبد معاه مش اعبده
هو يبقالى الامام
امشى وراه اقلده
———————
يمكن يكون
موجود حقيقى
يمكن يكون
حلم فى خيال
بس المحال
انى اكون عابد بشر
انا ليا رب واعبده
————————-
نفسى حاكم
يمسك الكرباج بايده
ويحمى شعبه
من الديابه
—————-
نفسى
ايد تسند معاه
مش كل واحد
له هواه
ونزيد يوماتى فى الفقر
————————-
مش هاقول
كنا ايه وبقينا ايه
الزمان شاهد علينا
نفسى حلم يلمنا
ننعيش معاه
وننستر
—————-
نفسى مصر
تكون علم
نحيا فيها
بدون الم
ونقول يا حاكم
ايد فى ايد
نحمى مصر من الخطر
———————–
مش كل حاكم
يجى يحكم اعبده
ولا كل شاعر
يقول كلام آردده
وتبقى الحقيقه واحده
على كل البشر
لكل واحد ساعة
وقبر فيه مرقده
=============
\\\ عونى هشام \\\

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى