ٳنساني
==============
لما ٳنك مش قــادر تنساني
ولــسه فــاكر كمان عنواني
وقـــلبك بحـبني و بيهـواني
طيب ليــه سبتني وحداني
===============
سبتني وكــنت محــتاجلـك
و مفكرتش غــير فى حــالك
شـوف كام مــرسال جــالك
ولا مـرة رديت وقــلت مــالك
===============
و عــارف ٳنى بمـــوت فـــيك
بعشــق النــظرة في عـــنيك
وهــبت عـــمرى كــمان ليـك
وبغــير مــن النسمــة عــليك
===============
بعد دا كله رحت و هـجرتني
من حــنان حــبك حـــرمتني
شــوف كام مـــرة جــرحتني
مفـيش مرة وحـده فـرحتني
===============
حبيت نفسـك وكنـت أنــاني
طيب قولي راجــع لـيه تــاني
هـو لسه في كمــان أغــاني
ولا جـــاي تقــــول ٳنـــساني
===============
كمال عبد الغني
