ط
اعمالالشعر والأدب

عجبى قصيدة للشاعرة / إيناس محمود الجلاد من مصر

          عجبى
عجبى على الدنيا دى فوق صدرى تقول وتعيد
وتنضح بالالم فيا وتكتب للجراح مواعيد
عجبى على شمس انطفت جابت نهار كالح
طرحلى ظلم طرحلى اة دانا نفسى نتصالح
تطرح سنابل فرح من بير عميق كادح
ودى يا بلدى اشوفك بتوبك الفالح
مبقاش عتيق مكبوت
 لطول سنابل فرح ولا اطولش سكره موت
وليالى عمرى تفوت من غير مكون عاشق
ولا احط راسى فى طين ولا اكنش فيه راشق
وارفع رايه سلام واخد لاهلى الارض
ولا ادنس الأقداس ولا حد يهتك عرض
ودى اقول انى انسان قوى ومغرور
مغرور بوطنى عزيز ولا ابات فى يوم مقهور
حقك عليا ياوطن لو بت يوم مكسور
هكسر ظلام اوطانى هسبل مبينها جسور
واحرر الميه وهكسر الصنبور
هصنع مجرى النضال هبنى لخوفى قبور
واسلم الرايه لولادى وانا منصور
كتب الذمان غايته ونهايتى تتكلم
ولدى هيبقى شهيد من دهرى يتعلم
اذاى يهز الأرض للظلم ما يسلم
إيناس محمود الجلاد

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى