_ محمد أحمد خليفة
_ شعر العامية
_ مصر/ محافظة الدقهلية / ميت غمر
_ 01211799719 الشخصي والواتساب
_ البريد الإلكتروني / [email protected]
_ لينك الفيس بوك / https://www.facebook.com/M7mdkhalifa1
_ قصيدة ( عَجِين ماخَمَرْشْ )
__________________
أنا آخر مَرَّة فِرِحت ياخال ..
من يِيجي اكتَر مِن سِت سنين
كَت سِتِّي بتِعجِن مَلامِحها
في طِشْت الطيبة ..
علشان تِدِّيني خُلاصة الدُنيا
في لُقمة عيش ..
واهي دلوقتي
ماتت وسابت لي الهَم عَجين ..
طب أخبِز كل الهم دا فين ؟
ولمين وِازاي ؟
وانا عودي الفَقَري بيِشبِه ناي
وإيدين الدُنيا المؤذية
عَزَفت ألحانها القاسية عليه ..
ماتقول لي يابيه!
هل ذنبي حقيقي ان الدنيا
قَصِّت جناحاتي بدون إذني!
قبل امَّا يكون لي نصيب في الكون
واتعلِّم اطير ..
ربنا له حكمة في إنه يخلي القلب براح
وانا نفسي ارتاح ..
اقسم بالله انا مش عايز غير حَقي وبس
ولا عايز مَريِم تِضحك لي ولا عايز احِسّْ
بكل المِتْداري في عينكم يا قلوب سَافرَة ..
مين اللي اِدَّاكُم حَق البَتر في روح الغير؟
إتهَّد الحيل ما بقاش فيه مِنَاهدة
ولا مُعافرَة..
بقى كل الجاي من إيد بكرة محتاج شَفرَة
واللُغز كبير على واحد زيي ما شافش حياة
ولا دَخَل الجَنَّة عشان خَضَّر أرواحكوا البور
ولا عُمرُه شِهِد ويَّاكُم مَرة شهادِة زُور ..
الضحكة جِبِيرَة اتعوِّد بيها يداوي الكون
رغم انه يوماتي في حضن الليل بينام مكسور ..
والليل ..
بِيحِنّْ على المخاليق وقت الضيقة
وساعات بيصيب الضيقة بضيق فتضيق أكتر
انا باضحك آه قدامكوا لكِن جوايا حَريقَة ..
دُخَّانهَا وَصَل لرموش الغِيم / حَنّْ ومَطَّر ..
وساعتها السما سَحَبِت دمعاتها بسرعة عشان
إفتكرت إنَّها نِسْيٍت باب الشوق مفتوح
وهتِغرَق فيها ارواح نِسْيِت معنى الكِتمان
حاجزين تذكرة البُوح على مَتْن سفينة نوح ..
وفي عالم غير اللي إحنا بروحنا مسافرين ليه
هاكسَر قوانين السما والضوء والصوت والبحر
هاعمِل من إيد الخوف مِجداف وهاجَدِّف بيه
هاوصَل دا لإن أنا قلبي إرادتُّه اقوى من السحر ..
علشان اثبت للدنيا بحالها ان انا إنسان
مَعجون بملامح طيبة ما تِتقدرش بسِعر
والهم الخام اللي وِرِثتُه راح وما سابنيش
إلا اما اتأكِّد إني خلاص ما بقيتش باخاف ..
ولا عُونت باجيب اللوم ع الغير في عقاب الطير
ولا عُونت باشوف في مراية الدنيا ان انا شَفَّاف ..
دلوقتي وبس فهِمت انا ليه كَمِّلت وحيد
وفهمت الموت ليه ماستنَّاش على موت ستي
لو كانت فعلا خَبزِت ليا الدنيا رغيف
كان حتمًا غصبٍ عني هاعاير بيه الأيام
وساعتها هتِضْرَب أوِّل كَف يِجيبني اتنين
والعالم كله يُقَف يتفرج على خيبتي ..
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
