عسل اسود .مسابقة الشعر العامى .بقلم / غادة محمد محمد .مصر

الاسم/ غادة محمد محمد
الشهرة/ غادة الكاميليا عِبيد
الدولة/ جمهورية مصر العربية
https://www.facebook.com/profile.php?id=100026938547910
المجال/ شِعر عامي
عَسَل إسوِد

ياعَسَل
انتَ يا مسَكَّر
مَالك إسوِد كِدَه
وكَمَا الكَاسِر
القَصَب أنا
وانتَ مني عَاصِر
إيه جَرَالَك
ده الأصل مِنِّي
وانتَ خَابِر
قُلت سَوادِي زَاد حَلاوتِي
ودِبسِي مِنَّك مِكَرَّر
أكلِي شَعبِي يِشَبَّع
بَدِيل عَن السُكَّر
إسود ومَاله
لكن لونِي صَادق
وبَمْنَع المُر واللاذِع والحَادِق
سَوادِي بِينَوَّر قُلوب
وفحَلاوتِي سَابق
التَالِت مِسَكَّر ومش فَارِق
أنا الهَادِي
وكمَا الجَبَل شَاهِق
حلاوتِي نَالِت الرِّضَا كِدَه على الرَايق
***
ويا أبيض إنتَ ياعَسَلِي
سُكَّرَك ليه جَامِد
يَدُوب بِتدُّوب والكُل لِيك حَاسِد
قَالِّي أنَا الأصلِي ورَبَّانِي
نُطفِتِي عَسَل رَحبَانِي
مُمَيَّز وصَافِي
دايمًا بَعَافِي
وللجِرُوح شَافِي
عَسَلِي شِفَا
ومِن نَحلِتِي عَاسِل
وَقْت اللزُوم مَوجُود
وشُمُوعي بِتجَمِّل وبِتجَامِل
***
انتَ وأنا مِن أصلِين
لكِنِّنَا مِتفقِين
نُوقَّف الخَامِل
ألوانَّا مُختَلِفَة..
أهدَافنَا مُتَحِدَة..
وعالحُب نِتقَابِل
ياعَسَل
انتَ يامسَكَّر …
إوعَى يوم تِفَكَّر …
إنَّك مُش فَارِق
لا حَد يِقدَر يِفَارِق …
ولا حَتَّى بينَّا يِفَرَّق …
مادُمنَا نِستَاهِل