عشقت الليل
بقلم محمد البلاط
عشقت الليل برغم خوفى من الظلمة
.واعد نجوم فى ليل معدوم
لا فيه شمعة ولا سهرة
.ساكن الليل بصبر طويل
..وتايهه منى الفكرة
..واصبر قلبى بطيفك
يهل هلالك وأشوفك
.فى دخانه
فى كل سيجاره بشربها
وزاد الفكر فى راسى
واتخدر فيا إحساسى ..
وفكرى تاه من راسى
وما باقى سوى قلبى
بيتذكر فى كل جميل شافه منك
ويتمنى تعود ويعود معاك همسك
ولو بالعين راح اشوفك
ولو عز على لمسك
هكون فرحان ويسعدنى ويكفينى
اعود واسمع تانى اسمك
من المخاليق ومهما الضيق
هيتعبنى ومهما الفكر غلبنى
بقربك لى بترحمنى من الاوهام
ولو حتى لازمت الصمت
وانا اتحرمت من صوتك
هكون فرحان بوجودك
حاولت حرق أحزانى
حاولت ادارى آلامى
واتخيلت فى كل خيال والثانى
وكل سيجاره أشربها
أشوف طيفك فى دخانى
واشكى لها واحكى لها
عذاب بعدك عذاب هجرك وأحزانى
فى كل سيجاره بشربها
وعشقت الليل
برغم خوفى من الظلمه
