على كف العمر
على كف العمر .. أيام معدودة ومحدودة .. مرسوم تعاريج
ليها معنى .. محفورة بدقة بتعيش معنا .. ومعانيها حياة .. بنعشها والكون يسمعنا
بخطرنا واللا في الأحلام .. محتاج تفاسير .. ومعاني كتير وكلام للمستقبل ذاته
والسر الكامن و المكنون .. بيغازل العمر المتبعزق .. على شط حياة .. بملذاته
و بيتسرسب واحدة بواحدة مع طلة شمس الصبحية
وبينقص من عمرنا أعمار .. م الفجرية .. متقلش ظنون .. دي حقيقة وحيدة وفريدة
من رب الكون
الكف الرابض على أيدك فيه الأسرار
والسر التاني على جبينك منقوش بالحنة والأخبار
فيه الجنة وفيه النار
أياك تحتار!
اصرخ وبأعلى ما فيك .. يمكن ربنا يهديك
أبعد يا شيطان .. أبعد يا شيطان .. أبعد يا شيطان
ها تروح النار
وإذا كان ع الوصف ده فيه إعجاز
والوصف الموصوف لعَميلك
محسوب إن جاز
عارف اخرتها و اخرتها بتعفر جوة قلوب الناس
أصلك مخلوق من قلب النار .. وَرجيم خناس
والتوهة جوة الكف مرار .. يادي الأسرار
وبنات الحور جوة مداين داير ميدور
تستنى حبيبها بصبر وشوق .. فارس مغوار
لما يعديلها فوق الجمر .. ويعدلها
ربك موجود وبيفرجها .. من خرم أوزون
وخَزينـــــــه تساع م الأ لف أحباب
أحلامي على قد القد يدوب
والعمر والرزق توازي
قدر مكتوب
عيشة ونعيشها بكرامة وعدالة
ترضي الغلبان
وهدمة تغطينا و تكسي بلدنا
وتفرح يوم الأنسا ن
قربان المصــــــــــــــــــــــــــــــــــري
