عميان ويلز..مسابقة الشعر العامى بقلم / الأمير محمد على من مصر

مهرجان همسه الدولى ( الاديب الفنان سعد الدين وهبه )
الاسم / الامير محمد على
شعر عامى

قصيدة :
عميان ويلز

وادى وفيه عميــــان
من غابر الزمـــــان
نزل مفتح فـــــــــيه
فاكر هايبقى هَامان
لاقو فى وجهه عنين
قالو دى جاتو له منين
طول عمرنا حاسين
وبكل شئ سامعــين
راح المفتح يِوصف
عن الجمال وبيحلف
دى شمس حلوه جليله
وقمرنا حلو اليلــــــه
ودى سمانا الزرقـــا
وميه حلوه ورايقـــه
قالو عليه مجنــــــــون
وعينيه جابت له ظنون
مخلوق ومش عادى
وغريب عن الوادى
حب المفتح حِلــــوه
منهم جميلة وغنوه
راح لاهلها يُخطبهــا
رفضوه وقالو يعيبها
وعشان تكون مِنينا
تخلع عينيك وتجِينا
بس الجميله تحايـلت
اِخلع عينيك وتمايلت
والحُب له سُلطــان
يهزم كمان وكمـان
لكن وقبل قــــراره
بص لسماه وانواره
صعبت عيونه عليه
والعين أعز ماليـــه
هِرب أخينا بسرعــه
قبل ماتقـوى الجُرعه
وانت ياعز النــــاس
لازم يكون ف أساس
لما تكون مغمــــــور
بين الفساد والــــزور
ده وادى م العمــــيان
والنور مالى الوديان

الشاعر الامير محمد على