عيون حبيبتي..قصيدة للشاعر / حسن احمد التلاوى

عيون حبيبتي

حبيبتي من نظرة

دايما بتفهمني

وعيونها للفكرة

ف سكوتي تسمعني

من غير ما اكلمها

واقول بتوحشني

عيونها بتقلي

بعدك مجنني

لو شفت نظرتها

لما تكلمني

تلاقي فرحتها

مرسومة ف النني

لو ايدي لمستها

ضحكتها تسحرني
…………
عيونها بتاخدني

لبعيد وبتجبني

واما ابصلها

بالشعر تلهمني

اكتب كلام فيها

تعشق جمال فني

والسر في حلاوته

ف جمالها مش مني